Qanga angallatit

Qanga qimussit, qajaq umiarlu  angallannermi atorneqartarsimapput. Qajaq umiarlu sineriammi tamarmi atorneqartarsimapput qimuttut taamaallaat avannaani tunumilu atorneqartarsimallutik.

 

Ullutsinni qimuttut aalisarnermut, piniarnermut takornariaqarnermullu atorneqartarput. Umiaq kulturikkut pisoqartillugu saqqummersinneqartarpoq taamatuttaaq aamma qajaq takutitsissutigineqartarpoq. Qajanq piniarluni angallatit saniatigut atorneqartarpoq Tunumi Qaanaami eqqaanilu sinerissanilu tamani timersuutigineqartarluni. Table 1-mi takuneqarsinnaapput qimuttut amerlassusaat.

 

Kalaallit Nunaata ilisimaneqaataasa ilagaat inoqquttusseseq tunngavigalugu qimmeqarnerujussua. 1990-miit qimuttut ikileriangaatsiarsimapput, 1990-mi inuit 1.000-iugaangata qimuttut 1.066-iusarsimapput 2011-mi inuit 1.000-iugaangata qimuttut 584-iusimasarsimallutik, tassa 45 procentinik appariarsimallutik. Titartagaq 1-mi takuneqarsinnaavoq qimuttut amerlassusaat.

 

Titartagaq 1

2011-mi qimuttoqarfinni qimuttut amerlassusaat

Najoqqutaq: Uumasut nakorsaat

 

Qimuttut qimminik allanik akuneqannginnissaat anguniarlugu taamaallaat qimuttut qimuttoqarfinnut eqqunneqarsinnaapput.